GIPAKURATAN sa Philadelphia 76ers ang inilog apan gihamok sa mga injuries ang Denver Nuggets, 108-105, sa nagpadayong NBA. Si Allen Iverson milabnot og 17 puntos, midugang ug 16 si Elton Brand alang sa Sixers.

Ang Nuggets niduwa nga wala ang ilang duha ka sinaligan nga sila si Carmelo Anthony nga adunay angol sa tuo nga tuhod ug ingon man si Chauncey Billups nga aduna usay gibating sakit sa iyang wala nga bugan.

For updates from around the country, follow Sun.Star on Twitter

Ang Los Angeles Lakers yano ra usab nga midabodabo sa Mavericks, 131-96, ubos sa pagpangulo ni Jordan Farmar nga may 24 puntos.

Laing unom sa Lakers ang mitapos sa duwa nga may double figures nga sila si Andrew Bynum (19), Lamar Odom (15), Kobe Bryant (15), Sasha Vujacic, Shannon Brown nga pulos nakatampo og tag 11 puntos ug 10 puntos usab ang nahimo ni Derek Fisher.

Samtang mipabuto og three-point shot si Ronald Murray sa katapusang 56 segundos aron aswaton ang Bobcats ngadto sa 91-88 nga kadaugan batok sa Cleveland Cavaliers. Si Stephen Jackson adunay 22, Gerald Wallace nga may 19 aron pangulohan an gang Bobcats.

Si LeBron James mipakli og 29 puntos alang sa Cavs ug 27 usab ang nahatag ni Mo Williams.

Napukan usab sa Raptors ang Spurs, 91-86, ug ang Knicks milampornas sa Pacers, 132-89.