GIHAWOD nila Edvel Lauren Libago ug Zhaoyu Capilitan ang ilang kadalaing kategoriya sa 1st Max “Jon-Jon” Rodriguez Chess Kiddies Tournament, diin nahuman niadtong Biyernes didto sa Nazareth Gym.
Nikampyon si Libago, usa ka Grade 6 nga estudyante sa Corpus Christi School, sa category two alang sa Grade 4-6 nga adunay 5.5 puntos human sa ika-unom ug kataposang round.
Nilamang siya og tunga sa punto sa nagsunod nga si Joel Lawrence Hoy, kinsa nilanding sa ikaduha nga anaay lima ka puntos.
Naa sa ika-tulo si Joegavin Garcia, samtang Rhea Jean Canino, Althea Canas, Juan Ryu Bagonoc, Lance Rafael Magloyuan, Pete Xander Ganzon, Joy Ann Faith Tiro ug Ruelle Canino sa ika-upat ngadto sa ika-10, sunodsunod.
Nidaug sab si Capilitan sa category one alang sa Grade 1-3 nga nihuman nga walay tatsa sulod sa unom ka rounds.
Nilamang siya og usa ka punto nga labaw kontra sa nagsunod, diin upat sila nagsalo sa ika-duha paingon sa ika-upat nga pwesto nga sila Samantha Balquin, Jesuah Lagunay, Jethro Renz Bagonoc ug Lj Getubig.
Parehas nihuman nga adunay lima ka puntos, naangkon ni Balquin ang ikaduha nga pwesto tungod sa kataas nga tie-break point ug nahulog lang sila Lagunay, Bagonoc ug Getubig sa ika-tulo paingon sa ika-lima, sunodsunod.
Gikompleto nila Dalagan Lara, Zesley Van Galgao, Roehl Ian Jamisola, Russel Canino ug Karl Ian Dalauta ang ika-unom ngadto sa ika-napulo, sa ingnana nga pwesto.