MAG-UUMA nga giingong nakasilo sa iyang mga silingan, kalit nga giluba didto sa ilang lugar sa Sitio Alayaw, Barangay Kibalatong, sa Malita, Davao del Sur.
Giluba nila ni Benigh Tanduyan ug Rogelio Bacuna mao si Parod Delivias, 30, minyo pulos molupyo sa maong lugar.
Gi-imbestigahan dayon ni SPO3 Ramon Iballo ang kaso aron masayran kun unsay motibo nga miresulta sa krimen niadtong mga alas 4:30 ang takna sa hapon, Dominggo.
Matod ni Iballo, nasayran sa iyang inisyal nga imbestigasyon nga personal nga away tali sa biktima ug mga suspek ang nahimong pabilo sa krimen.
Apan natagbaw na og pangita ang kapulisan sanglit hangtod kagahapon, wa gihapon nila igkita ang mga suspek nga daling nikagiw sa ilang dapit human mabuhat ang krimen.
Matod sa kapulisan nga ila gihapong giduso batok sa mga suspek.
Sa pikas bahin, wa gihapon mailhi ang lalaking nabangalang patay samtang naglunang sa iyang kaugalingong dugo didto sa provincial road sa lungsod sa Hagonoy, Davao del Sur.
Kahibaloang bugtong ang bitbit nga backpack lang sa biktima ang nakuha sa kapulisan didto sa ngitngit nga bahin sa karsada tapad ang biktima nga adunay samad pinusilan sa nagkadaiyang parte sa iyang kalawasan.
Hinuon, nahipos sa otoridad ang unom ka mga basiyo sa kalibre .45 diin gituohang gigamit sa mga wa mailhing suspek aron patyon ang maong lalaki.
Nanawagan karon ang Hagonoy Police Station ngadto sa mga pmilyang nawad-an og kabanay aron mailhan na ang biktima ug masuta kun nganong gipatay kini.(Dondon Dinoy)