ANG mayor sa lungsod sa Ronda, Sugbo nga si Esteban Sia maoy unang opisyal sa lalawigan sa Sugbo nga nihangyo sa kapulisan nga di kuhaon ang iyang police escort.

Karong Enero 10 magsugod na ang Commission on Elections (Comelec) gun ban samtang i-withdraw na usab ang tanang police escorts nga anaa ni bisan kinsang politiko.

For updates from around the country, follow Sun.Star on Twitter

Kagahapon sa buntag, si Sia personal nga nibisita sa buhatan ni Cebu Provincial Police Director Senior Supt. Jesus Gaquing aron mopadangat sa iyang hangyo.

Si Sia niingon nga adunay seryusong hulga nga iyang nadawat mao nga gikinahanglang ibilin ang iyang duha ka mga police escort.

Si Gaquing niingon nga wa na mohatag pag dugang detalye si Sia labot sa hulga.

Apan iya kining gipasabot nga sugod karong Enero 10 ubos na sila sa kamandoan sa Comelec.

Hinungdan nga iya kining gitambagan nga himuong pormal ang iyang hangyo aron iya usab nga mapadala sa ilang rehiyonal nga buhatan ug ngadto sa Comelec.

Si Sia di na modagan sa 2010 elections kay ang iyang igsuong babaye ang magpapili sa pagka-mayor. (DRT)