ASAWA nga Australian nasakpan sa akto niadtong Dominggo sa hapon sa iyang bana nga Pinoy nga nakig-sex sa ilang bodyguard nga batan-on sab sud sa usa ka lawak sa ilang gipanag-iyang pension house.

Nasakpan ang duruha nga hubo sulod mismo sa usa sa mga lawak sa ilang pension house sa Mango avenue ning siyudad pasado alas 5 sa hapon niadtong Dominggo.

For updates from around the country, follow Sun.Star on Twitter

Tinuod nila nga mga ngan gipugngan ning mantalaan.

Sila si Carol, 45, uban sa gituohang gikarelasyon nga si Roel, 24, taga Barangay Tisa, ning siyudad nasakpan sa bana nga si Bert, 34, ug sa kapulisan nga iyang gikuyog nga pulos hubo sud sa lawak.

Si PO1 Cristopher Torregoza sa Fuente police niingon nga niabot sa ilang buahatan si Bert pasado alas 2 sa hapon sa mao nga nga adlaw aron mangayo og tabang kabahin sa iyang asawa nga may relasyon sa usa sa ilang trabahante.

Ang bana nipasumangil sa iyang asawa nga mobiyahe siya balik sa abroad ug wa na mopakita sa iyang asawa sulod sa pipila ka mga adlaw.

Si Inspector Kit Andaya, uban sa mga sakop sa Miscellaneous team ug ang bana nihimo og plano unsaon paghimo ang operasyon.

Nibalik paglakaw si Bert aron maniid ug mokuha og dugang impormasyon aron masakpan sa akto.

Nibalik ang bana sa Fuente police pasado alas singko sa hapon ug nipahibawo sa kapulisan nga niabot ang iyang asawa ug ang uyab sa ilang pension house aron mo-check in sa room 211.

Daling niresponde sila si Andaya, PO3 Treming Sotto, PO1 Torregoza ug SPO4 Mario Revilla kuyog si Bert ngadto sa pension house.

Ginamit ang duplicate key, gidiritso sa bana ug kapulisan pag-adto ang lawak ug giablihan.

Maoy nakita sa bana ug kapulisan ang duha nga pulos hubo ibabaw sa kama.

“Ang babaye daling nakahakop sa habol ug gitabon sa iyang lawas. Ang laki hubo sa iyang lawas nga wa na makalihok. Daling mibarog ug wa makalihok,” matod ni orregoza.

Ang bana daling nidakop sa iyang asawa uban sa iyang trabahante inabagan sa kapulisan.

Ang lalaki anaa sa Fuente Police samtang ang babaye nga langyaw gibilanggo sa Waterfront police.

Gitakda silang pasakaan og kaso.

Sa taho hinuon sa sibyaanang ABS-CBN, ang asawa ug giingong uyab wa manghimakak nga sila dunay relasyon.

Matod asawa nga wa sila magkahigugmaay ug nga ang iyang bana gusto lang gyud makaadto og Australia.

Silang duha gikasal niadtong 2004.