HUGOT nga gi-deny ni Lotlot de Leon ang mga nanggawas nga isyu nga nabuntis siya mao nga niadto sa Amerika.

Sumala ni Lotlot nga bag-ohay lamang nakabalik sa Pilipinas, gipangita niya sa States ang iyang biological father nga iyang nakaila year 2006 pinaagi sa internet.

Matud pa ni Lotlot nga karon lamang daw sila nagkita sa amahan apan na-shock siya dihang nasayran nga sukad gamay pa, gisundan na sa amahan ang iyang pagdako.

Lakip sab daw sa giatiman ni Lotlot sa iyang pag-adto sa Amerika mao ang pakig-uli sa iyang inahan nga si Nora Aunor nga iyang gikabangi.

Gitug-an sab ni Lotlot nga kauban silang nag-Pasko sa iyang inahan ug siya mismo ang nagaluto og pamahaw alang sa Superstar nga inahan samtang naa pa siya sa Amerika.

Happy si Lotlot sa resulta sa iyang pag-adto sa Amerika apan aminado siyang wa ganahi sa mga nanggawas nga intriga.

Anyway, karong 2010, wish ni Lotlot nga mas molambo pa ang iyang kinabuhi ug mas mahatagan na niya og mas maayong pagtagad ang iyang mga ginikanan.

Aminado si Lotlot nga daghan siyang mga sayop nga nahimo ug karon nga bag-ong tuig, daghan na sab siyang bag-ohon sa iyang pagkatawo.