SI Buluan, Maguindanao Vice-Mayor Ismael "Toto" Mangudadatu mipasalig nga ilang tabangan ang bisan kinsa nga mubarog isip saksi nga adunay special treatment nga gihatag sa mga ditinadong Ampatuan sa Criminal Investigation and Detection (CIDG) Group-12 sa dakbayan sa General Santos.
Matud ni Mangudadatu, kanunay'ng andam ang ilang abogado alang sa pagtabang sa mga testigo nga magmatuod nga sud-gawas sa selda ang mga Ampatuan ug giatiman og maayo.
Gidugang pa ni Vice-mayor Mangudadatu nga karon lamang niya nadunggan sa Bombo Radyo nga gipagawas sa selda ang mga Ampatuan, apan di pa dugay nakadawat siya og taho nga adunay foam ug aircon nga itaud sa selda nga gikatulgan sa mga Ampatuan atol sa kagabhion.
Tungod niini, nihangyo si Mangudadatu sa labaw sa CIDG-12 nga sutaon ang maong panghitabo aron dili maangin sa isyo.
Giklaro sab ni Philippine National Police (PNP) 12 Regional Director Chief Superintendent Josefino Catalu¤a nga ilang imbestigahon ang giingong VIP treatment sa mga Ampatuan sulod sa CIDG-12 Headquarters.
Gipahayag sab ni Presidential Adviser on Mindanao Affairs Secretary Jess Dureza nga kong tinuod nga dunay special treatment sa mga Ampatuan iyang gisiguro nga kadtong mga opisyal sa kapulisan nga nalambigit niini, mag-atubang og kasong administratibo.
Mismong si PNP Chief Director General Jesus Versoza na ang milihok aron masusi ang maong alegasyon.(Edgardo Fuerzas)