TUNGOD sa sunod-sunod nga nahitabong pagpangarnap nga ning siyudad ang kapolisan nilusad og checkpoint sa kadalanan nga gisugdan niadtong Lunes sa gabii.
Si Police Inspector Ivan Vi¤as, hepe sa Anti-Theft and Robbery Section nibutyag sa Sun.Star Superbalita nga dili kini kanunay ipahigayon labina nga kasagaran sa mga karnaper ang mga polis lang maoy bantayan.
Ang checkpoint gipatuman sa tanang presintuhan ning siyudad sa Cagayan de Oro labina sa ilang tagsa-tagsa ka mga area.
Susihon sa mga polis ang mga lisensiya sa drayber nga nagmaneho og motorsiklo ingon man mga resibo nga nagpamatuod nga maoy nanag-iya niini.
Matud ni Viñas nga ang mga motorsiklo ang una nga susihon labina nga kasagaran sa mga gipangkarnap daghan niini mao ang mga motorsiklo.
Gani, si Police Superintendent Noel Armilla, City Police Director ning siyudad wala nahimuot ug nasubo human duha ka mga habal-habal driver ang nakabsan sa ilang kinabuhi human gipusil ug gikarnap pa ang motorsiklo.
Nasayra nga dili lamang sa kagabhion ipahigayon ang maong mga checkpoint kondili sa tanang adlaw.
Samtang gipahimangnoan usab ang mga nanag-iya og mga motorsiklo sa paghimo og mga lakang aron luwas sa pagpangarnap ang ilang motorsiklo.