PINAAGI sa pagpatunga ni retired federal judge Daniel Weinstein, masayran na karong adlawa kon madayon ba o dili ang labing dakong away ning panahuna tali nila ni pound-for-pound champion Manny Pacquiao ug Floyd Mayweather Jr.

Ang mga representante sa duha ka mga boksidor parehong ning-uyon nga motunga sa panagtigom karong adlawa sa opisina ni Weinstein sa Santa Monica, California

kansang tinguha mao ang pagsalbar sa labing gikaintapang away.

For updates from around the country, follow Sun.Star on Twitter

“We’re going into mediation,” matod ni Top Rank boss Bob Arum sa interbyu sa ESPN. Com.

“This guy (Weinstein) was successful resolving our nutty problem before and hopefully he can be successful this time. He’s a guy who is a big fight fan and loves the sport, and I found him last time to be a delight to deal with. Everybody did,” dugang ni Arum, kinsa maoy magrepresentar kang Pacquiao kauban si Top Rank president Todd Duboef.

Si Weinstein maoy nagresolba sa panagbangi sa Top Rank ug Golden Boy Promotions (GBP) kabahin sa inilugay sa katungod sa pagdumala kang Pacquiao.

Gipabuhagay ni Weinstein nga parehong ning-uyon ang duha ka mga kampo nga motunga sa panagtigom nga dili mohatag og mga kondisyunes.

“After discussions with representatives of all parties I am satisfied that the parties are approaching the mediation in good faith,” he said. “Neither side is insisting on pre-

conditions to its participation in the mediation, and both sides will present their positions in an effort to resolve the dispute.”

Ang magrepresentar kang Mayweather Jr. mao ang tag-iya sa GBP nga si Oscar De La Hoya kauban si GBP CEO Richard Schaefer.

Nanghinaot ang mga nangahilambigit nga masulbad na gyud ang mga kakulian sa away nga gikatakda karong Marso 13 sa wala pa matino nga venue.

Sa sayo pa, hapsay kaayo ang negusasyon ug daling nagkauyon ang Top Rank ug GBP sa mga detalye sa kontrata.

Nagsugod ang tanang problema dihang nimandar og Olympic-style random drug testing ang kampo ni Mayweather sa pasangil nga nagamitan og Performance Enhancing Drugs (PEDs) si Pacquiao.

Nisamot kalubog ang tanan ug niabot sa punto nga nipasaka na’g kaso si Pacquiao batok sa mga Mayweather ug sa GBP.