KAKAPOY pa gyud ang nasinati sa kadaghanan kanato tungod sa taas nga bakasyon subay sa pagsaulog sa Pasko ug Bag-ong Tuig.

Kaon ug inom maoy magda ug bida aron maglami ang estorya.

Pulitika maoy sentro sa estorya bisan asa kang grupo matipon.Apil na ang mga kasinatian sa tuig 2009 ug ang pulitika karong tuiga 2010 ug ingon man ang dagan sa atong kinabuhi.

For updates from around the country, follow Sun.Star on Twitter

Samtang kon motuo ta sa mga panagna,ang mahitabo magsagol ang kalipay ug kaguol.Duna may indibidwal nga panagna nga si ikaw maayo ang dagan sa panglawas ug negusyo karong tuig.

Samtang maguol ka kay ang imong pares o igsoon magsagubang og dakong problema.Pagka pait!Mao nga ang uban di nalang gyud motuo aron way hunahunaonAng tanan ila nalang isalig sa kahitas-an

Gani dunay panagna nga mapuno sa mga kasamok, kalamidad ug usa sa ilang nakita nga di maayo mao ang election sa Mayo 10, 2010 kay natumong sa unlucky star. Nakita sab hinuon nato nga dunay mga timailhan sama sa patay karon sa siyudad sa Lapu-Lapu.

Hinuon sa wapa ang pagsud sa 2010 ug wapay mga panagna daghan, ang naka-obserbar nga init nang daan gumikan sa pagbukal sa kawa sa pulitika.Ang ubang mga kandidato nangayo nag police body guard ug escort.

Mao nga karon palang daan angayang molihok na ang kapulisan lakip na ang militar sa pagmonitor sa kalihukan sa mga pulitika, dili lang ang seguridad kun di ang dautang lakang batok sa ilang kontra.

Senior Citizens

Kon duna kay kuwarta daghan na kaayong mosud sa imong hunahuna sa mga butang nga angayang paliton. Inay unahon ang nag-unang panginahanglana sama sa tambal, pagpakonsulta sa doktor, bitamina ug pagkaon, mapuntaa na pagsugal, pag-inom ug pagpangutang ug mga gamit para sa balay.

Ang buot kung ipasabot kining pagpanghatag sa kagamhanan sa dakbayan sa Sugbo og P4 mil nga cash gift ngadto sa mga senior citizen. Nakadawat man gud tag report nga di maayo pagkaduma ang ilang nadawat nga kuwarta.

Tiaw moy, naghatag na hinuon ta’g puhonan nila para sugal, pag-inom ug uba pa nilang kalipay.Sakto man to ang sugyot sa uban inay kuwarta, programa nalang unta nga maghatag kanila ug libre tanan ilabi na sa hospitalization, medical check up uban pang importanteng gikinahanglan.

Alang sa uban ang kuwarta nga gihatag ni Mayor Tomas Osmeña sa mga tiguwang maoy bayad sa ilang buto sa iyang pagdagan sa pagka kongresista sa south district sa siyudad. Kon kini tinuod, usa ka pagpamintaha batok sa iyang kontra sa pulitika nga si Atan Guardo, nga lisud kopyahon kay w aman sa gahom.

(Email: efren_lonzon@yahoo.com Text:09084171222)