BATAN-ONG lalake nga gituohang gi-salvage nakaplagan sa mga lumolupyo sa brgy. Valladolid, siyudad sa Carcar.

Ang wa pa mailhing lalake dunay tulo ka mga samad pinusilan sa ulo.

For updates from around the country, follow Sun.Star on Twitter

Matod sa kapulisan sa Carcar city nga pasado alas 3 sa kaadlawon kagahapon nakadawat sila og report nga adunay patayng lawas nga napalgan sa kalibunan, duol sa taytayan.

Sa wa pa kini makaplagi, nakadungog og mga buto sa pusil ang mga tawo sa dapit.

Ang biktima gituohang giguyod paingon sa kalibunan ug pag-abot sa dapit gipusil makatulo ka higayon sa wala mailhing tawo.

Dunay mga timailhan nga siya giguyod kay dunay mga tanom nga nanga-hapay.

Ang biktima gibanabana nga nagpangidaron og 18 ngadto sa 20 anyos, adunay gitas-on nga 5’2” ngadto sa 5’4,” green ang kolor sa senina, karsones kolor gray ug nagsenilas og kolor blue.

Ang lawas kasamtangan karong gihaya sa Tupaz Funeral Homes sa maong siyudad. (DRT)