MISULAY pagpakamatay ang usa ka amahan pinaagi sa pag-inom og hilo tungod sa kanunay nga paglalis sa anak niadtong Domingo alas 10:00 sa gabii sa Dugilo, Alubijid, Misamis Oriental.

Ang biktima naila nga si Eduardo Pasukin.

Sa impormasiyon nga nakuha sa Sun.Star Superbalita, gikan sa Northern Mindanao Medical Center (NMMC) ning Dakbayan sa Cagayan de Oro, nasayran nga kanunay mag-away ang biktima og ang anak nga si Edmond tungod kay magsige kini og kahubog apan niadtong higayona human sa maong panag-away diretsong misulod sa lawak ang biktima.

Napalgan na lamang nga nagbuy-od kini sulod sa maong lawak ug nasutang giinom na niini ang hilo mao nga dali kining gidala sa nahisgutang tambalanan.

Ang biktima nagpabilin pa nga anaa sulod sa tambalanan.