GISIKOP sa kapolisan ang usa ka lalaki human nanghinol sa usa ka babaye niadtong Domingo sa gabii sa Barangay Sugbungcogon, lungsod sa Tagoloan, Misamis Oriental.

Ang biktima itago na lamang sa ngalan nga Jessy, residente sa susamang dapit.

Gitumbok nga suspetsado si Alberto (bansagon gipugngan).

Sa inisyal nga imbestigasyon sa Tagoloan Police Station nasuta nga ang biktima nakatulog na niadtong gabhiona dihang gisaka ni Alberto.

Una niining gihinol ang dughan sa biktima ug mao'y namat-an sa biktima nga gihilam na niini ang iyang pribadong parte sa lawas hinungdan nakasinggit si Jessy.

Apan mibahad ang suspetsado nga dili siya mobiya sa lawak kung dili maangkon ang dalaga ug andam niyang sudlan ang prisuhan.

Nakadagan ang suspek pinaagi sa pag-ambak sa bintana ug nakasibat hinungdan dali nga nagpatabang ang biktima sa kapolisan human natumbok og naila ang suspetsado.

Kagahapon alas 12:30 sa kadlawon, nasikop ang suspetsado ug gibalhog sa prisuhan.

Sa pagsulat ning balita gipreparar na sa Women and Children Protection Desk (WCPD) ang kasong gikatakdang ipasaka batok sa suspetsado. (SVB)