DEAR Noy Kulas,

Maayong adlaw, Noy. Salamat kaayo sa pagtagad sa akong suliran.

Di na ko maglangay pa. Akong problema, Noy, mahitungod sa akong uyab. Almost 3 years na mi.

Karong bag-o lang, nagkabuwag mi tungod sa butang nga pirmi namong awayan. Ako man gud, Noy, nagtrabaho na pero at the same time ga eskwela pud. Siya niundang og eskwela unya hangtod karon wala gihapoy trabaho. Buotan kaayo ni akong uyab, Noy, wala koy masaway sa iyang batasan. Ang nakaapan lang very dependent kaayo siya nako.

For updates from around the country, follow Sun.Star on Twitter

Sa tanan namong lakaw, Noy, akoa ang gasto, ultimo plite.

Okay ra man unta, ang nakaapan lang, modemand pa gyud siyang magpapalit og bisag unsa. Unya magluodluod dayon kon di mapalitan. Usa pa sad, di siya ganahan molaag ko with my friends, gusto niya kami ra gyud ang kuyog pirme. Sa di panghambog, Noy, maayo kog hitsura. Daghang nanguyab nako sa among office apan lagi kay naa na koy uyab, di na lang nako tagdon.

Sa sinugdanan man gud, Noy, maayo gyud kaayo ang among relasyon. Apan sukad nakatrabaho na ko, ako naman hinuon ang pirmi niya saligan. Gusto siya makigbalik nako, Noy, apan naglibog ko kon mosugot ba ko or dili. Una, sayangan ko sa among relasyon kay karon pa ko kasuway nga nakauyab og over a year. Kasagaran months ra. Unya, naanad sad ko nga kada adlaw siya moadto sa amoa. Ang gusto man gud unta nako, Noy, makakita siyag trabaho. Apan sa iyang attitude nga di mosud og trabaho nga way backer, di man gyud na siya molampos. Kapila na gud na nako siya sultihi, Noy, nga maningkamot og iya, wa ra gihapon.

Love pa ba kaha ni akong na feel niya, Noy, or kaluoy na lang.

Kay magsige siyag adto sa amo, maghuwat nako unya ako rang biyaan kay manglaag mi sa akong friends. Apan kon wala akong friends, siya man gyud akong mahuna-hunaan pirmi, Noy. Please tambagi ko, Noy Kulas. Salamat ug Godspeed.

MS. 1225

Ms. 1225,

Maayong adlaw diha. Salamat sa imong pagsuwat nako.

Kanang imong uyab duna nay problema sa iyang personality.

Base lang sa imong sulti, dependent kaayo siya nimo bisan sa iyang edad. Di siya gustong mosud og trabaho kon way backer ug nagsalig kanimo. In short, tapulan gyud siya. Naa sab siyay inferiority complex nga ma-associate sa personality disorders.

Kon ingon niini ang iyang personalidad, prangka lang nga pagkaestorya, wa gyud kay maayong kaugmaon uban kaniya.

Lagi, buotan siya kay wa man kahay bisyo. Mag-unsa man sab nang kabuotan sa tawo kon di sab siya andam sa pagpas-an og responsibilidad ingon man pagbuhi og pamilya. Kon kamo ang magkadayon, siya gyud ang imong buhion.

Loner siya nga pagkatawo mao nga wa siyay laing masuroyan, gawas lang kanimo. Kay kon naa pa siyay mga higala, di siya kanunay magyampungad. Matabangan mo siya kon di mo siya hatagan sa tanan niyang gusto.

He must learn to be independent.

Estoryahi siya sa iyang mga kakuwangan ug apan sa pagkatawo.

Kon di siya maninguha nga mag-usab, wa gyud siyay ugmang padulngan.

Kon happy ka sa imong present life, nganong balikan mo man ang problemadong kagahapon?

NOY KULAS