UNA pa man arestuhon, nag-voluntary surrender na si Hayden Kho, Jr. kauban ang abugado niya sa ngadto sa Pasig Regional Trial Court Branch 159 niadtong January 5.
Sa nakuhang impormasyon, December 28, 2009, napagawas ang warrant of arrest ang Pasig RTC alang kang Hayden apan nag-post kini og cash bond o bail nga P20 mil aron nga ipadaplin ang pag-aresto kaniya.
February 23, gi-schedule ang ilang arraignment.
Ang nahisgutang warrant of arrest batok Hayden, may kalabutan sa kasong Violation of Republic Act No. 9262 (Anti-Violence Against Women & Their Children Act) nga gipasang-at ni Katrina Halili batok kaniya.
Kini tungod sa giingong sikretong pagkuha ni Hayden og video sa ilang pag-sex.
Ang maong video, mikatag sa internet ug nahimong national issue last year.
Anyway, giangkon sa abugado ni Katrina nga buot gayud nilang mapriso si Hayden tungod sa iyang nahimo batok sa aktres.
Apan bisan pa man sa mga kontrobersiyang giatubang, si Hayden, naningkamot nga mabalik sa normal ang iyang kinabuhi tungod sab sa suporta ni Doktora Vicki Belo.
Karon, busy si Hayden sa pag-manage sa bag-o niyang club nga sumala pa, kanunay nga ginaduaw ni Vicki ug kanunay silang makita nga super sweet.