HUMAN sa hataas nga pagpaabot, matuman na gyud ang tinguha ni Michael Dominggo nga makaaway og world title fight.

Ning bag-ohay lang, ang 30 anyos nga Dominggo kinsa adunay 39-14-2, 17 knockouts nga record gikatakdang mosuway paglabni sa titulo ni International Boxing Federation bantamweight champion Yonnhy Perez karong Marso 6 sa Palm Springs, California.

“We have already signed the contract. We are waiting for the return contract hopefully it will be finalized within the next two days,” matod ni ALA Promotions president Michael Aldeguer.

For updates from around the country, follow Sun.Star on Twitter

Kining maong kalambuan mitumaw human balibari si Dominggo nga maoy mahimong challenger ni Fernando Montiel alang sa WBO bantamweight title.

Imbis si Dominggo, gipili ni Montiel si Ciso Morales nga maoy iyang challenger sa “Pinoy Power III” boxing extravanza.

“He has been waiting for this offer. It is Michael’s dream of fighting for a world d title,” dugang ni Aldeguer.

Ang 30 anyos nga Peres gihulagway nga usa sa pinakakuyaw nga world champions sa iyang division tungod sa iyang way pildi nga record sulod sa 20 ka away diin 14 niini iyang gipang-knockout.

“Perez is one of the toughest world champions. This will be a tough fight for Michael because Perez is undefeated and at his peak. He is a technical fighter and is very versatile,” sumpay ni Aldeguer.

Hinuon wa isalikywa ni Aldeguer ang kahigayonan nga mailog ni Dominggo ang titulo.

“Michael is much matured. He has the chance and the tools to win this fight. Michael has to be more aggressive. He has to show that he is a champion in the making. He has to control the fight.”

Kon modaog, si Domingo maoy ikadu­hang Ala Boy nga nahimong world champion sunod ni Donnie Nietes.

Si Freddie Roach maoy mo-trained ni Domingo didto sa Wild Card Gym sa USA. Molarga siya sa unang semana sa Pebrero.