Dear Papa Joe,
Hinaot nga anaa ka sa maayong panglawas. I can see that you are very successful adviser now mao nga magpatambag sad ko about sa akong problema. Hinaot nga mahatagan ko nimo og tambag nga makatabang nako pag-usab sa akong kaugalingon. Tawga lang ko sa ngalan nga Miss Salawahan, 21. I will turn 22 this April.
Sa ngalan pa lang kahibawo ka na siguro kon unsa na ang akong ipatambag nimo.
Ingon ani man gud ni siya, Papa Joe. Nia ko karon nagpuyo sa Cebu pero taga Mindanao ko. Sa pag-abot nako diri sa Cebu naa koy nauyab, Papa Joe. Karon 3 years ang niabot sa amoang relasyon. Okay pa lang unta to kay na feel man nako nga love nako siya. Apan didto nagsugod, Papa Joe, nga nausab sa among pagbalhin namo sa akong sister og abangan kay ang silingan namo gwapo man kaayo. I mean na attracted ko sa iyang kagwapo, apan gibaliwala lang nako kay abi nako og attraction lang. Pero nilabay ang mga adlaw ug buwan, maora man og nawala akong feeling sa ako boyfriend. Nibalhin niya.
Kining guy nga silingan namo torpe kaayo siya unya wala sad siya nanguyab nako. Human, Papa Joe. dili na ko ganahan makigkita sa akong BF. Naay one time nagkita mi, dili na man halos ko ganahan makig-holding hands niya. Nabugnaw ko tungod sa silingan namo. Ang akong hunahuna tua lang niya pirme.
Papa Joe, pangutana nako nganong ingon ani man ko?
Dali ra ko ma-inlove sa guy. Dili ko gusto og ingon ani akong bation tungod kay gusto ko maging honest ug loyal.
Pero tungod kay dili nako mapugngan akong kaugalingon unya nawala na sad akong gana sa akong BF, nakigbuwag ko niya.
Papa Joe, God knows wala nako tuyoa ma-inlove sa lain. Na-feel lang nako diha-diha nga ma-inlove sa among silingan. Labi na nga kahibawo kong inlove sad siya nako apan wala koy tumong maging kami. Ang gituman lang nako ang akong kasingkasing.
Unsaon man nako pakigkuyog sa akong bf ug wala na jud koy gugma niya Dili sad ko gusto masakitan siya og maayo tungod nako. So, nakigbuwag jud ko.
Ingon ani na man ko, Papa Joe, dali ra kaayo mawala akong gugma sa guy basta naa koy makit-ang lain. Ingon sila puppy love daw akong gibati mao ingon ani pero dili ko gusto maging ingon ani ko. Lisod kaayo kontrolon akong kaugalingon nga ma-inlove ko og dali sa guy. Dili ko gusto makasakit og tawo tungod sa akong salawahan nga kasingkasing. Please tabangi ko, Papa Joe, sa dapat nakong buhaton. Naglibog na akong huna-huna. Hinaot matabangan ko nimo. Sorry taas na kaayo akong email.
Please don’t print my email, Papa Joe. Happy new year to you and God bless. (sumpayan)