MGA opisyal sa Barangay Lahug motabang sa mga lumolupyo sa Sitio San Jose aron di maputlan og kuryente ug supply sa tubig.

Makigtagbo usab sila kang Gobernador Gwen Garcia alang sa posibleng pagpakigsabot labot sa paggamit sa luna sa University of the Philippines (UP) sa mga nag-ukopar niini karon.

For updates from around the country, follow Sun.Star on Twitter

Si Lahug Barangay Captain Mary Ann de los Santos niingon nga wa siya masayod sa problema sa mga lumolupyo tali sa Metropolitan Cebu Water District (MCWD) ug Visyan Electric Co. (Veco) connection, kay wa sila mohisgot niini atol sa ilang dialog niadtong Lunes.

Apan matod niya nga siya moapelar ngadto sa administrasyon sa University of the Philippines in the Visayas Cebu College (UPVCC) aron tugtan ang mga okupante sa luna nga makapabilin sa koneksyon sa tubig ug kuryente.

“I was surprised that there is an issue on the water and power supply. We had a dialog with UP officials last Monday and none of the residents mentioned it. If they did, we could have asked UP to reconsider. Anyway, I will lobby with UP na dili lang sa nila ipaputol,” matod ni de los Santos.

Mga lumolupyo bag-ohay lang nakadawat og kopya sa suwat ni UPVCC supervising administrative officer Alsidry Sharif ngadto sa MCWD nga nagpahibawo niini nga wa sila motugot ni bisan kinsa sa pagkonektar sa bisan unsang utility sud sa ilang luna.

Nahibung si de los Santos nganong ang mga biktima ra gyud sa sunod ang gitumong sa UPVCC nga naa nagpuyo sa San Jose.

“Nganong kato ra mang nasunogan ang ilang gi apike? How come the other occupants do not face the same threat of losing their water and power supply? Ug ila gyud putlan ug tubig ug kuryente ang mga nasunogan, tabangan nato sila. Ang ilang mga silingan naa may suga so maybe adto ta mo-tap sa ilang connection,” siya nagkanayon.

Makigtagbo sab siya sa iyang mga abogado aron tukion ang legal nga aspeto sa pag-amendar sa termino sa deed of donation tali sa Kagamhanang Probinsual ug UPVCC. (LCR sa Sun.Star Cebu)