DEAR Noy Kulas,

Una sa tanan, maayong buntag kanimo diha, Noy Kulas. Tawga lang ko sa ngalan nga Ms. Mysterious, 25, minyo ug dunay duha ka mga anak. Karon ni ako sa Manila nag-work. Ang akong problema mao ni. Akong ex tawga lang sa ngan nga Manoy. Si Manoy ang una nakong nahimong uyab after sa akong hayskul. Nagdugay pod ang among relasyon niabot kini og 3 years. Apan sa 5 months pa lang sa among relasyon, naa miy nahibaw-an mahitungod sa among pamilya kay diay 4th degree cousins kuno ming duha.

For updates from around the country, follow Sun.Star on Twitter

Ako ug si Manoy wala mopatuo sa among mga pamilya. Amo gihapong gipadayon gihapon ang among relasyon bisan og gubot na ang among tagsa ka pamilya. A year after, nibiyahe ko sa Manila. Gidala ako sa akong auntie aron moeskuwela sa college. Nikuha ko og 2-year course. After sa akong pagtungha nipauli ko og Cebu, apan before ko niuli sa Cebu naa na koy nahibaw.an nga mga estorya mahitungod niya. Kay naa man koy mga barkada sa Cebu nga amo ra sad nga silingan kay silingan ra man pod mi aning Manoy sa Cebu.

Kay naa kunoy kapuyo si Manoy, wala ko naminaw sa mga estorya sa akong mga barkada kay gusto kong si Manoy mismo ang mosulti nako. Apan dihang nagkita na mi, wa gyud niya ni hisguti.

Wa na lang sab nako siya pangutan-a tungod kay di ko gustong maglalis mi.

Milabay ang panahon nga nakatrabaho ko sa Lapu-lapu city.

Iya kong ihatod-kuha sa trabahoan, apan nagkauga ang among relasyon hangtod nga naputol ang among communication. Nibalik kog Manila ug diri na nag-work. Dunay ni-text nako nga lalake after two months nako sa pagbalik diri. Siya ang nahimo kong bana.

Nganong nagsige pa man ko og damgo aning akong ex. Hangtod karon magsige lang gihapon ko og huna-huna niya nga unta naka move-on na man ko. Aduna na gyud koy asawa ug mga anak.

Ang akong 1.) pangutana, Noy Kulas, nagsige pod ba kaha og huna-huna ang akong ex kay ingon sila kon ang usa ka tawo kon dili gani katulog or magsige gani og damgo aning tawhana,gihuna-huna daw pod siya ani. 2.) Okay ra ba kon pananglitan makauli ko sa Cebu unya mag-estorya ming duha mahitungod sa among kaagi? Kaagi nga walay saktong ending. Wala man gyud mi magkaestorya sa dihang nibalik na ko sa Manila. Maghuwat ako sa imong tubag, Noy Kulas, ug daghang salamat sa panahon sa pagbasa sa akong problema.

Pasensya kay medyo nga taas ang akong suwat. More power to your column ang God bless you all.

MS. MYSTERIOUS

Ms. Mysterious,

Daghan kaayong salamat sa imong pagsuwat. Wa na man koy igong space, sa Martes ko na lang tubagon ning imong suwat. Pasensya na kay limitado man gud ang espasyo.

NOY KULAS