PAGLAUM ni Vina Morales di ba mao man kini ang sinugdanan sa career ni Sharon Magdayao, ang batang wayuk sa Cebu Pop Music Festival diin gilupig ang ubang mag-aawit sa iyang rendition sa maong awit.

Di siguro mahitabo nga mahimong kalimtan na lang kini sa Cebuanang Vina kay dinhi man nagsugod ang paglambo sa iyang karera dili lang isip singer kondili usa ka maayong artista usab.

Mao nga sa iyang pagbalik sa Cebu Pop aym sure mawagtang na jud ang mga huhungihong sa una nga lisod mahimong e-guest ang Vina Morales sa maong pakontes nga maoy nagpasikat usab kaniya.

For updates from around the country, follow Sun.Star on Twitter

Wa lang siguroy oras o may mga ubang komitment nga naha-una maong mibalibad ang guapang Vina sa una.

Apan karon ani-a na gyud ang bida ang Vina Morales atong masaksihan pag-usab ang iyang talento sa pag-awit ug siguro usa sa iyang mahimong awiton ang kantang iyang gidag-an.

Daghan siguro ang maukay inig abot sa guapa kay aym sure ang mga pangutana kaniya mag-una gyud ag mahitungod sa panagbuwag nila sa amahan sa iyang junakis.

Mao man gud kanay nadesisyonan karon sa girl ang importante alang kaniya mao ang iyang anak nga si Ceanna.

Kay para kaniya mao kini ang labing nindot nga butang nga nahitabo karon sa dalaga ug nakasentro lang ang tanan sa iyang anak nga si Ceanna.

Gani malipayon na usab kini karon kay magbalik-arte naman usab kini, kay may buhaton man kining teleserye sa dos. Mao man kini ang usa sa mga gustong mahitabo sa aktres, ang magbalik-drama apan di sab gyud niya mahimong kalimtan ang iyang unang gugma, ang pagkanta. Bravo Vina!!! ay’g saba!

Ang “Del Corro” clan dunay reunion kon wa ko masayop karong Enero 15 sa usa sa mga bonggang balay sa Del Corro dinhi sa Labangon, sa dugang kasayuran kontaka lang si Myke del Corro diha sa Tes de Abril....ay’g saba!!!!