MISIS gihapsan og .45 kalibre nga pistola armas sa iyang hubog nga bana nga brgy. tanod atol sa ilang init nga panaglalis sa ilang balay sa Buaya, dakbayan sa Lapu-Lapu niadtong miaging gabii.

Ang asawa nanghilam-os sa dugo nga gidala sa ospital.

Base sa initial nga imbestigasyon sa kapulisan sa dakbayan sa Lapu-Lapu nga ang biktima nga si Gemma Godinez, 39, minyo, ug si Noel, 39, usa ka barangay tanod sa Buaya, nagkalalis niadtong Biyernes sa mga alas 9:30 sa gabii.

For updates from around the country, follow Sun.Star on Twitter

Kini human nangayo og kuwarta ang ilang anak.

Wa damha sa biktima nga gikuha sa iyang bana ang pistola dayon gihapos ngadto sa iyang ulo.

Nabulit sa dugo ang nawong asawa tungod sa samad sa iyang ulo hinungdan nga gidali sa pagdala sa Lapu-Lapu City Hospital nga gibalhin usab sa Vicente Sotto Memorial Medical Center (VSMMC) alang sa dugang pag-atiman.

Sumala pa SP01 Jack Inihao sa Crime Against Person’s Desk nga bolontaryo nga mitahan sa iyang kaugalingon si Noel sa chief tanod ug gi-turnover ngadto sa Women’s Desk.

Nasayran nga magpaabot si Noel kon hingpit nga mosang-at og kaso ang iyang kapikas batok kaniya.

Ang iyang asawa wa pay hukom kalabot kay nagpunay pa kini og hilak sud sa tambalanan dihang giadto sa kapulisan.