Mga kandidato ilawom sa partidong Nationalist People's Coalition (NPC) nga kauban ni Bautista atol sa press conference nagpahayag nga mibati sila og kaulaw sa gipakitang taras sa pamilyang Cagas sa Davao del Sur.
Sila Digos City Mayor Arsenio Latasa (kandidato pagka-bise gobernador), Board Member Erwin Llanos uban sa mga mayor sa lungsod sa maong lalawigan nagsulti nga managsama sila og kasinatian sa ilang gobernador kinsa giingon nga manghagit kanila og sinumbagay ug pinusilay atol sa iyang radio program sa siyudad sa Digos.
Ilang gisulti nga sa tanang okasyon diin dinapit nga mamumulong ang gobernador, mga kaatbang sa politika iyang batikoson ug hagiton og away.
"Garbo namo nga taga Davao del Sur, apan among gikaulaw ang gobernador," hiniusang pamahayag sa mga opisyal nga mitambong sa maong presscon.
Sa sunod nga isyu, paninguhaon sa Superbalita nga matubag ni Governor Cagas ang akusasyon kaniya sa iyang mga kaatbang sa politika.