GIPABUHAGAY sa usa sa mga respetadong trainer sa boksing nga si Teddey Atlas nga mas kuyaw nga kontra si Joshua Clottey para kang pound-for-pound champion Manny Pacquiao kumpara kang WBO jr. middleweight king Yuri Foreman.

Sa interbyu sa www.boxingscene.com, giasoy ni Clottey nga hugot ang iyang pagtuo nga dakong sayop ang mga nagdumala ni Pacquiao sa pagpili kang Clottey.

For updates from around the country, follow Sun.Star on Twitter

“I think it’s a mistake for them to go with Clottey instead of Foreman. I know [Pacquiao] is looking at the size [of Foreman] but sometime it’s not about size,” matod ni Atlas.

“They are wrong when they assume this will be an easier fight.”

Human napalpak ang negusasyon sa Pacquiao-Mayweather, ang kampo sa Pinoy boxing superstar unang nipili kang Foreman tungod sa titulo niini nga makapahimo kang Pacquiao nga 8-time world champion kon ugani iya kining makuha.

Apan sa kalit lang, nausab ang hunahuna ni Top Rank boss Bob Arum ug iyang padepensaon si Pacquiao sa WBO welterweight title niini batok kang Clottey karong Marso 13, dakong posibilidad sa Dallas Cowboys Stadium kini mapahigayon.

Nagkanayon si Atlas nga kon siya maoy nagdumala kang Pacquiao, si Foreman gyud ang iyang pilion ug dili si Clottey.

“Clottey is much more physical and much more dangerous in this fight than Foreman. Clottey fights like a bigger man and mentally he thinks of himself as a bigger fighter and proves it in the way he fights at 147,” dugang ni Atlas.

Gitataw ni Atlas nga tinuod nga mas dako si Foreman apan dili kini kahibawo mopahimulos sa iyang bintaha sa gidak-on hinungdan nga kaya ra gyud siya ni Pacquiao.