BISAN liwas na ang Pasko ug Bag-ong Tuig, magpabilin gihapon ang kasadya sa Sugbo ug kamaya sa mga Sugbuanon tungod sa kapistahan ni Sr. Sto. Nino ug sa Sinulog 2010.

Wa lang damha nga ang Sinulog nga gimugna ug gisugdan kaniadto ni kanhi Cebu Customs Collector David “Kuya Boy” Odilao niabot na man diay og tangkod nga 30 ka tuig. Gidugokan kini sa libo ka libong mga turista gikan sa lain-laing bahin sa Pilipinas ug sa kalibotan.

For updates from around the country, follow Sun.Star on Twitter

***

Nangitag paagi ang Cebu City Hall nga magamit sa Sinulog Foundation Inc. (SLI) ang ilang hinabang nga P12.2 milyunes bisag di pa moluwat sa iyang katungdanan si Vice Mayor Mike Rama isip chairman sa maong foundation. Ang maong kantidad gigamit sa premyo sa mga manaog sa Sinulog grand parade karong Enero 17 ingon man sa ubang mga gastohanan sa pagpahigayon sa Sinulog.

Apan ang labing sayon nga paagi aron mahatag dayon ang maong kantidad alang sa Sinulog mao ang pag-resign ni Mike Rama gikan sa Sinulog Foundation.

***

Gidili ni Cebu City Mayor Tommy Osmena ang pagbuhig mga balloon ingon man mga pabuto atol sa prosesyon sa balaang imahen ni Sr. Sto. Nino alang sa kaluwan sa mokabat sa usa ka milyon ka tawo nga manguyog niini. Nabalaka ang mayor nga ang pagbuhi og mga balloon makahimo unyag short circuit sa mga alambre sa kuryente samtang ang mga pabuto makahimog lawasnong kadaot sa mga tawo.

Dili man hinuon instrikto ang pagpatuman niini pero mas maayo na lang gyud nga maglikay.

***

Taliwa sa hudyaka sa Sinulog nagpabilin ang hugot nga debusyon sa mga debuto ni Sr. Sto. Nino mao nga daghan kaayo ang manguyog sa prosesyon.

Ang lawod sa katawhan nagtimailhan nga buhi ang atong pagtoo. Gani, diha may nagpaabot nga moagi sa iyang tungod ang fluvial parade

kay wa intawon kahibawo nga ang fluvial parade tua ra sa dagat.

Pit Senyor!