Miss Salawahan,
THANKS sa imong pag-ambit ug pagsalig sa atong pagtambag nga kutob lang sa maabot. Remember, walay lain makatambag sa imong kaugalingon kon di ikaw ra sad. Tanan nga tambag nga moabot sa imong kinabuhi ikaw ra gyud magdesider, dawaton ba nimo or dili.
Sa imong sitwasyon dili man ko makaingon nga salawahan ka o maluibon tungod kay katungod mo kana isip dalaga. Dili buot ipasabot nga kon naa kay uyab mao na gyud na. In some cases and some people siguro pero dili gyud na matuyo nga mahigugma ka og lain. Maayo ang imong gibuhat nga gibuwagan nimo imong uyab kay sa magpuyo siya sa bakak. Bata palang ka sa laraw sa gugma kay abi nimo? Dili man sa ingon, dali ka mahigugma unya salawahan ka kay tiaw mo na, niabot mo og 3 years. Meaning makalahutay gyud ka apan dili pa fix imong mind kay karon pa lang gani ang imong basihan sa imong gugma kay ka gwapo nga knowing nga torpe man gani ang guy.
Wala sad nimo masaysay kon kamo naba gyud kay imong nasulti nga kahibawo ka nga nakagusto sad ang silingan nimo diha nimo.
Busa, Day, try to check yourself first before going into another relation kay para dili na ka makapasakit og tawo, though maayo lagi nga imong gibuwagan dayon imong uyab. Apan dili sad to lalim niya.
Moabot ra ba gyud kanato ang oras nga ipakita kanato pagbalik ang mga kasakit nga atong nabuhat sa uban. And hinaot pa unta nga dili ka masilaw sa kaanyag sa tawo dayon dili tanang mogilak bulawan. Dugaydugay na ko aning kalibutana, apan sa akong nabatyagan kay once ma-mature na ang babaye, dili gyud ang kagwapo ang basehan, kon di mo-settle na. Siguridad na ang unahon.
Apan sa imong case na medyo immature pa sa gugma. Well, you can make it as an excuse but learn the protocol of life para dili ka mahisugamak puhon ug magmahay sa katapusan. Then you pray to God to help you become strong sa pag-deal og relasyon puhon bisan uyab pa man gud. Day, nindot man gud na ibutang ang Ginuo sa tunga sa relasyon para naa ang kahadlok nga mobuhat og dautan.
Ug dinhi na lang kutob ha? Daghang salamat diay sa atong kaigsuonan na mobasa online ug sa mga tawo sa istorya.
Net nga nihatag sad og importansya nga hisgutan ning ubos ninyong alagad. Daghang salamat.
PAPA JOE