GIILANG amahan sa Sinulog nisugyot nga aron di magkaproblema ang siyudad sa Sugbo sa budget sa Sinulog grand parade ipaabaga sa mga dagkong kompanya ang premyo sa mga contingent.

Si kanhi Bureau of Customs collector David Boy Odilao nga nahinabi sa Sun.Star Superbalita nipadayag sa iyang kahibung nganong magka-problema ang siyudad sa budget sa pagsige og taas sa budget sa Sinulog nga unta tumong nganong gimugna ang Sinulog Foundation Inc. mao aron di na manghilabot pa ang kagamhanan sa budget niini.

For updates from around the country, follow Sun.Star on Twitter

Si Odilao maoy nisugyot kaniadto kang Mayor Solon nga magtukod gyud og Sinulog Foundation aron kini maoy modumala sa budget apan tulo ka tuig pa ang nakalabay una kini namugna.

“Maong gi-turn-over na sa city government ngadto sa Sinulog Foundation aron di na makagasto ang city pero mahibung ta nganong kada tuig mag-anam og taas ang budget maong nasuko na kanang COA,” nagkanayon si Odilao.