Negosyante gipusil, patay

PATAY ang usa ka negosyante human gipusil sa mga lalaki nga sakay og motorela alas 7:00 sa gabii niadtong Miyerkules sa J.R Borja Extension, Gusa, Dakbayan sa Cagayan de Oro.

Ang biktimi nga gi-ilang si Roel Jhon Mangilala, naka-angkon og daghang samad sa lawas hinungdan sa iyang kamatayon.

Base sa inisyal nga imbestigasyon sa kapulisan, nga pauli na ang biktima uban sa pag-umangkon niini nga si James (bansagon gipugngan) sakay sa sakyanan dihang gipusil.

Gituohang bikil sa pasahero ang hinungdan sa panghitabo tungod kay sa wa pa mahitabo ang krimen gibadlong sa biktima ang suspetsado kinsa usa ka motorela drayber nga dili manguha og pasahero duol sa pwesto ug posibleng gikasuko kini sa drayber.

Ang mga suspetsado gi-ingong sakay sa usa ka motorela nga kolor green.

Dali pa nga gidala sa Capitol University Medical Center (CUMC) ang biktima apan pipila ka oras nakabsan kini sa kinabuhi.

Sa gihimo nga follow-up operation sa kapulisan niadtong Huwebes sa kadlawon nasikop sila Salem Malem ug Amron Abdulkarim.

Ang pag-umangkon sa biktima kinsa nakasaksi sa panghitabo positibo nga giila ang duha ka mga suspetsado ug misulti nga usa lamang sa upat ka mga supetsado ang mipusil sa iyang iyo-an.

Sa pakighinabi sa Sun.Star Superbalita sa mga suspetsado sila mi-asoy nga wala sila'y kasayuran sa hitabo ug gi-ingong nakurat na lang sila kay kalit sila gisikop samtang nagdula og baraha gani andam kini nga magpailalom sa paraffin test.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph