Quijano miangkong gisuportahan ni Atan

WA ilimod ni Calamba barangay kapitan Victor Quijano nga gihatagan siya og pinansyal nga hinabang sa negusiyanteng si Jonathan Guardo atol sa 2007 barangay election diin siyay nidaog.

Nagdumili hinuon si Quijano sa pagbutyag kon pila ang kantidad nga natunol ni Guardo ngadto kaniya apan iyang giklaro nga ang maong hinabang di maoy nakapadaog kaniya sa eleksyon.

“Nagpasalamat ko sa iyang tabang pero di ko makaingon nga mao toy nakapadaog nako, usa lang siya sa mga factor,” nagkanayon si Quijano dihang nahinabi sa Sun. Star Superbalita.

Alang kang Quijano kinsa ubos pa sa oposisyon dihang nilansar sa pagka-kapitan nga bisan kon wa ang maong hinabang ni Guardo modaog gihapon siya sa uwahing barangay election.

Matod niya nga di lang ang kuwarta ni Guardo ang iyang gisaligan kaniadto ug gani mas dako ang iyang nagasto itandi sa gitunol ni Guardo.

Gipasabot sa kapitan nga usa gyud sa rason nganong nibiya siya sa oposisyon ug nitapon sa administrasyon gumikan sa iyang kasagmuyo nga wa madisplina ni Guardo ang iyang mga tawo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph