GIDID-AN na sa mga organizer sa Misa de Translacion nga moapil sa pagsugat ang mga public official atol sa panagtagbo sa tulo ka mga imahen diha sa Subangdaku, dakbayan sa Mandaue.

Kini tungod sa nagsingabot nga eleksyon sa 2010.

For updates from around the country, follow Sun.Star on Twitter

Nipahinumdum ang mga organizer nga way mahitabong ceremonial hand shaking o mosugat sa mga opisyal diha sa Innodata, sa barangay Subangdaku sukwahi sa nangagi nga katuigan.

Matod pa ni Regal Oliva, organizer sa Translacion sa Mandaue City, nga sa maong paagi kalikayan nga masagulan og bulok sa pamulitika ang kalihukan sa Sinulog.

Nipasabot siya nga kadtong buot nga mosaksi sa sugat sa tulo ka mga imahen, Sr. Sto. Nino, Birhen sa Guadalupe ug St. Joseph mamahimong magpaabot sa simbahan.(FVQ)

Ang Translacion 2010 gikatakda nga ipahigayon karong Biyernes sa mga alas 9:00 sa buntag.

Adto kini mosangko sa National Shrine of Saint Joseph nga sundan sa prayer vigil ngadto na sa dawn procession sa Sabado. 

Nipasidaan usab ang mga organizer nga gidili na ang paggamit sa mga pabuto ug ang pagdala-dala og balloon atol sa dawn procession aron kalikayan ang disgrasya ilabi nga adunay dinagkutan nga mga kandila nga dad-on sa mga deboto atol sa procession.

Posibleng mosilaob ang balloon nga maduol sa kandila ug possible sab nga mag short circuit ang mga linya sa kuryente kon paluparon kini ug masangit.

Dugang pa ni Oliva nga susama ra ang rota nga subayon sa Translacion ug dawn procession ngadto na sa Fluvial Procession.