MAO ni sakit nga kamatuoran kon ilisan na lang og batan-on. Kasagaran nga mohimo niini basi sa akong nadawat nga reklamo sa mga asawa ang ilang bana. Sa prutas pa aslum na kay sobra kahinog.

Ang tiguwang nga lalake nga nagkabutabuta lang sab bisan og nahibawo nga gigamit lang sa batan-on basta lang makapang hambog. Bisan og magpalaban na og tambal.

Ang akong punto kining pagkadakop sa lain na sab nga langyaw nga nakig relasyon og minor de edad sa siyudad sa Bogo. Matod pa sa lalaki, batan-on iyang gipili aron mopahinumdom kaniya tungod sa iyang pagkamalimtanon.

Nganong gisentro man sa mga foreigner ang pagdakop? Naay daghang mga negus­yante, professional ug pulitiko dunay relasyon ug nakigpuyo og mga minor de edad. Di man tingali buta ang taga Children’s Legal Bureau, pnp ug Provincial Women’s Commission sa pagpanguna ni Bise Gobernador Agnes Magpale.

Kooperatiba kaabag sa LGU

Basi sa akong pagtuon, daghang kooperatiba ug mga non-governmental organization ang nalambigit sa anomaliya sa pork barrel sa mga pulitiko. Apan daghan sab kanila ang lihitimo ug katambayayong sa local government unit (LGU).

Human nako gisundan ang problema sa Langob Kalunasan Multi Purpose Cooperative ni engineer Antonio Canoy, wa koy nakita nga  naghimo ug ginagoy. Ang usa sa katuyoan sa kooperatiba nga  matagaan og tubig ang mga nanginahanglan.

Di ba water is life?! Mao nga saludo kita sa krusada ni Canoy. Mao nga atong awhagon si Gobernador Junjun Davide nga tinud-on ang saad nga ihatag ang 30 sq.  meter nga luna aron magamit sa kooperatiba sa tinubdan sa tubig.

Para gani nako, si Engineer Canoy anga­yang pasidunggan. Kay naglaban sa interes sa mga nanginahanglan ug tubig.Apan ang Metropolitan Cebu Water District MCWD) naghinakog og tubig?

Alcover ug Duterte

Kon dunay tawo nga nahibawo sa mga di maa­yong binuhatan ni Davao City  Mayor Rodrigo Duterte, kini mao si kanhi Anad Partylist Kongressman Jun Alcover.

Si Alcover gideklarar sa city council sa Davao City nga persona non grata human gisung ug nag-rally sila si Alcover sa City Hall ug nagda sa duha ka patayng lawas sa iyang mga tawo.

Sa programang Catharsis sa dyLA gitug-an ni Alcover nga ilang gipangita ang mayor aron manubag sa kamatayon sa duha ka mga inosenting sebilyan.

Gipasanginlan sab ni Alcover si Duterte nga maoy nagpatay kaniadto sa iyang kaubang komentarista sa siyudad sa Davao nga si Jun Pala.Hustisya ang gipangita ni Alcover sa  kamatayon sa iyang mga higala. (efren_lonzon @yahoo.com Text: Sun 09438741888 Globe 09164214888)