NIPAHIGAYON og relief and reassignment ang mga kadagkuan sa Police Regional Office (PRO) 10 niadtong Enero 10, 2009 subay sa special order number 14.

Usa sa personahe sa Police Information Office sa Philippine National Police (PNP)-10 nibutyag sa Sun.Star Superbalita nga nihimo og turn-over sa bag-ong destinasyon ang mga opisyal gikan sa Regional Personnel and Human Resource Development Department (RPHRDD), Regional Intelligence Division (RID), Regional Police Community Relation Division (RPCRD), ug Regional Logistic Research Doctrine Development (RLRDD), apil usab ang Provincial Director sa Misamis Oriental, Misamis Occidental, Camiguin Provincial Police Officer (PPO), Lanao del Norte (LDN) PPO ug bag-ong City Director sa Cagayan de Oro City Police Office (Cocpo).

Niadtong petsa 9 sa Enero ning tuig, si Police Senior Superintendent Juanita Nebran, kinsa dako sa RLRDD, gibalhin sa RPHRDD; Si Police Senior Superintendent Noel Armilla, si kinsa miserbisyo ug napulo ka bulan sa Cocpo, gibalhin sa RID; Police Senior Superintendent Virgilio Ranes sa RIDMD gibalhin sa RLRDD; samtang si Police Superintendent Ferdinand Bartolome Sr. sa PPO-LDN gidestino sa Regional and Public Safety Management Battallion (RPSMB).

Niadtong petsa 8 sa Enero sila si Police Senior Superintendent Graciano Mijares sa RPSMB gidestino isip PPO sa Misamis Oriental; Police Senior Superintendent Roberto Quenery nga gikan sa RID maoy gibutang sa PPO sa Misamis Occidental; si Police Superintendent Edward Abejuela sa RPHRDD gibalhin isip labaw sa PPO sa Camiguin; Police Senior Superintendent Orlando Beñas sa RPCRD gibalhin sa LDN-PPO; si Police Senior Superintendent Minoy Darimbang nga kanhi sa PPO-LDN gibalhin sa RHSSG; si Police Senior Superintendent Leonilo Cabug sa PPO sa Misamis Occidental gibalhin sa Regional Invesitigation Detective Managament (RIDM); si Police Superintendent Rustom Duran, PPO sa Camiguin gibalhin sa RPCRD; si Police Superintendent Alberto Patrimonio sa PPO-Misamis Oriental gibalhin sa RHSSG; samtang si Police Senior Superintendent Benedicto Lopez nga gikan sa DIDM maoy nahimong Acting City Police Director ning siyudad sa Cagayan de Oro.

Ning panahona, gilaraw ni Lopez ang kahusay ug kalinaw sa dakbayan samtang dako ang pasalamat ni Armilla sa pagdawat sa katawhan sa dakbayan sa pipila niya ka bulan nga pagserbisyo.