KON wa pa untay bulok sa pulitika ug wa paluyohi ni Congresswoman Nerissa Soon Ruiz ang pagpaayo sa karsada sa R.T. Colina Street sa Barangay Ibabao Estancia, siyudad sa Mandaue, wa untay kasamok nga nitumaw nga kasamok sa pagpahunong ni Mayor Jonas Cortes sa proyekto.
Ang tensyon nagsugod dihang gipahunong ni Cortes ang pagtrabaho ni Ruiz pinaagi sa Department of Public Works and Highways ( DPWH ) sa gubaon nga karsada sa maong dapit kay pulos nasuko ang duha ka habig.
Ang mayor nisanta sa maong trabaho kay daan nang gibalibaran ang grupo sa kongresista kay duna nay plano ang siyudad sa pagtrabaho sa maong karsada pinaagi sa engineering department.
Hinuon, maayong balita nga nagkasabot ra ang duha ka grupo sa pagpadayon sa maong proyekto pinaagi sa pagtinabangay tungod sa pagpataliwa sa Ombudsman Visayas.
Naa raman diay na!
Pait, kay ang away sa mayor ug kongresista maoy nakaingon nganong nag-away sab ug hapit gyud magsinumbagay ang duha ka mga dagkong opisyal ug mga sinaligan ni Ruiz ug Cortes.
Manghinaot ta nga ang di maayong ehemplo sa mga dagkong opisyal di sundon sa mga supporters niini sa pulitika. Di man gud magbunga og maayo kon ingon niini ang dagan. Nabalaka ta nga kini pagasundan sa duguong panghitabo.
Duna na gani panghitabo nga ang hinungdan sa pagpatay mao ang pulitika ug giingon lang nga personal nga panagbangi ug love triangle ang teyoriya sa kapulisan.
Kon seryuso si Inday Nerry sa pagtabang sa katawhan sa siyudad sa Mandaue, sama sa pagtrabaho sa gubang karsada wa na kinahanglana ang pagpaabot alang sa iyang pagdagan sa pagkamayor.
Ang Mandaue sakop gud ni sa ika-unom nga distrito nga iyang giduma. Kon gihimo pa kini sa sinugdanan pinaagi sa pagtibangay kauban sa mayor silang duha ang pakpakan sa katawhan.
(efren_lonzon@yahoo.com Text;09084171222)
r