Jun Migallen
Taym Pa
KON ang gipamulong sa kaatbang ni Milan Milendo nga si Anthony Villareal ang atong basi-han, makaingon ug maka-paabot gyud ta og saktong binukbokay sa ilang away karong gabii.
Ang duha mao ang magsangka sa main event fight sa Bakbakan sa Sinulog boxing promotion diha sa Waterfront Hotel – Lahug, dakbayan sa Sugbo.
Wa man gyud hinuon ko makakita sa away ni Villareal apan kon manulti imong maobserbahan nga daw sa usa ka beteranong boksidor.
Atol sa press conference sa niaging adlaw, si Villareal kinsa usa ka Amerikanhon, kusog nga manghagit ug mopalagot ni Milendo.
Sa tinubagan niya sa pangutana gikan sa mga media makamao nga mo-pasumbingay ug mahagi-ton kaayong mopabuha-gay og mga pulong si Villareal. Mora’g si Floyd Mayweather Jr. kon manulti.
Kini maoy usa sa mga rason kon nganong nag-lagot og maayo si Milendo ug mibawos sab sa pag-ingon nga iyang ma-knockout ang Kano bisan pa man og nakabintaha kini sa gitas-on.
Sa dihang gikuhaan og hulagway, ako usab nga nabantayan ang kaha-it sa tinan-awan ni Milen-do ngadto ni Villarea. Wa kaha mada si Milendo sa palagot ni Villareal?
Kon professional fight ang hisgutan, mas naka-bintahan si Milendo kay duna na may siyay 19 ka away, way pildi ug lima ang knockout. Samtang si Villareal, sa onse ka away, siyam ang gidag-an, duha ang na-knockout ug duha ang pildi.
Apan ang gipasiatab og maayo sa kampo ni Villareal mao ang impresibong record niini niadtong amateur boxer pa kini. Tiaw mo nay mihag-pat kini og 82 ka daog, 9 ang pildi.
Katulo kini mamahimong Golden Gloves champion didto sa Estados Unidos ug siya karon ang kasamtangang World Boxing Council Youth Intercontinental flyweight champion.
Kining hinagitay sa duha, maoy nakatabon sa laing mabulokon nga kombati usab nila ni AJ Banal ug sa Mexicanong si Cecilio Santos. Kini si Santos, di sab gyud ni ka kompiyansaan kay mao ni nagpildi ni Luiz Melendez, kinsa maoy nakapa-coma ni Z Gorres.
Daghan pa kaayong mga parisan nga makahatag og saktong entertainment apan ang akong giatngan og maayo kining away ni Jun Intor batok Romnick Hobya.
********
NAHIBALIK na diay sa nasod si kanhi PBA player Rudy “The Destro-yer” Distrito sakay sa Philippine Airlines PR 103 gikan sa Los Angeles, California, USA.
Matod pa mga alas 5:50 sa buntag siya nahiabot uban sa laing tulo ka mga Pinoy nga gikuyogan og mga US Marshalls.
Ang kanhi PBA star nga maoy usa sa mga pambato kaniadto sa Ginebra gi-deport ug gipabalik dinhi sa Pilipinas human kini tugoti nga makagawas sa prisuhan isip parolado.
Si Distrito, 51, nabila-nggo sulod sa duha ka tuig didto sa US. Gikan sa pri-suhan gidretso siya og dala sa Los Angeles International Airporte.
Ang taho sa website sa ABS-CBN nagbutyag nga niadtong 2005, si Distrito gisentensiyahan nga mabilanggo sulod sa upat ngadto sa 12 ka tuig didto sa Northern Nevada hu-man kini moangkon nga nakapatay.
Iyang napatay ang Mexicanong si Juan Amaya kinsa nakigminyo sa iyang kanhi live-in partner nga si Marie Jo Buenafe niadtong Nobiyembre 2004.
Sa iyang hamubong pagpakighinabi sa mga media, si Distrito mipabuhagay sa iyang pagpasalamat ngadto sa iyang mga mga fans ug kanhi kauban sa Ginebra ug ilabi na gyud ni coach ug kanhi senador Robert “Sonny” Jaworski tungod sa suporta nga iyang nadawat bisan pa man og didto siya sa bilanggoan.
Giilang usa sa mga “bad boy” sa PBA, si Distrito usa na karon ka relihiyusong pagkatawo. (Em-ail add: junmigs0622@yahoo.com)