Nalzaro: Vigilantes strikes back

MATAG Sinulog ang mga dautang elemento gikan sa laing lugar, manganhi dinhi aron anhi mamiktima gumikan sa kadaghang mga tawo nga mosaksi sa kalihukan.

Mga mangungu-ot, mangingilad, manglabnihay og mga tulisan. Pun-an pa daan sa mga badlungon nato dinhi, aw, maglabad gyod ang ulo sa atong kapulisan.

Dili gyod ma-ato sa atong kapulisan ang pagbantay gumikan sa kadaghan sa mga tawo. Kanang ubang mga dautang elemento, dili ra ba gyud morespito bisan naa sulod sa simbahan, manguot gihapon. Pero kini gun’g ubang mga tawo ila man hatagan og kahigayunan usab kining mga tawhana nga mobiktima kanila.

Ang himoon unta usab sa katawhan mao nga magmatngon. Una, dili magdala og dakong kuwarta. Buwahan makuotan, dili kaayo dako.

Dili magsul-ob og mahalong mga butang sama anang mahalong alahas. Ang mga pitaka ug cellphone ibutang gyud sa bulsa kanang dili makita.

Kay kining mga tulisan o holdupper ug mga mangunguot dili na mobiktima og wala kay mahalon nga butang o walay kuwarta.

GITIPI

Kamong mga dautang elemento nga nituyo lang pag-anhi dinhi aron mamiktima, kon makabasa man mo ning maong lindog, akong awhag ninyo panguli o panglayas namo dinhi aron dili mo mopauli sa inyong lugar nga kargamento. Gisampulan na mo sa mga vigilantes.

Kadto si Richard Manala nga taga Isabela, Basilan, vigilantes maoy nagbira ato. Mao nay klarong estorya. Nadakpan kadto si Manala gumikan kay nanguot og usa ka langyaw diha sa E-Mall.

Gibuhi-an lang sa mga pulis gumikan kay wala mopursigi ang biktima sa pagpasaka og kaso. Wa dantig tulo ka oras gitumba didto sa Pier area.

MOSUNOD

Kaniadto sa wala pa nang South Road Properties [SRP] duna pay Kawit Island, ang mga pulis mo-pick up sa mga badlungon sa katilingan matag Sinulog unya dad-on didto sa Kawit Island og usa ka adlaw. Pakan-on didto sa mga pulis aron lang gyod dili maka-operate panahon sa Sinulog. Pagkahuman sa Sinulog buhian ra pod. Kaila man nang mga pulis anang mga badlungon ba kay sige god na nilang madakpan.

(bgnalzaro@gmanetwork.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph