ANG skydiving ug laing kuyaw nga extreme sports ang gi-ban atol sa Sinulog grand parade.

Kini samtang si Bise-Mayor Michael Rama nipahinumdom sa mga piloto sa mga helicopter sa pagmainampingon sa pagpalupad sa may rota sa parada unya sa Do-minggo.

For updates from around the country, follow Sun.Star on Twitter

Iya sab nga giawhag ang mga tag-iyag estab-lisemento nga agian sa parada sa pagpagamit sa ilang mga kasilyas ngadto sa mga manambong sa parade, labina sa mga turista.

Nimando sab siya kagahapon nga seguruon nga ang mga gate sa Fuente Osmeña way babag aron magamit kining emergency exits atol mga kalihukan matag gabii ug sa parada sa Dominggo.

“We are expecting the size of the crowd at Fuente to triple, therefore safety, security, orderliness and sanitation should be highlighted. That’s why I emphasized that they alleys should be passable,” matod ni Rama.

Sa iyang news confe-rence kagahapon, siya nitataw sa request sa mga opisyal sa Police Regional Office (PRO-7) sa mga piloto sa mga abyon nga molupad sa parade route ug Cebu City Sports Center nga di magpaubos og maayo.

Apan si Rama niingon nga di siya makahimo nga himuong no-fly zone ang parade route ug sports center kay wa siyay gahom niini.

Ang iyang gi-ban mao lang ang mga parakyut, skydivers ug ubang ex-treme sports aron mali-kayan nga dunay maangol sa mga mosaksi sa Sinu-log ug divers.

Nahinumdom siya nga dunay nangaangol sa nangaging Sinulog nga divers tungod kay nasa-ngit sa billboards ug edi-pisyo.(LCR sa Sun.Star Cebu)