SA pagpili ni No.2 overall pick D’Angelo Russell sa No.1 jersey sa Los Angeles Lakers, gipabuhagay niya ang iyang intensyon nga ibalik ang mga maanindot nga kasinatian sa Lakers sa kampanya niini sa National Basketball Association (NBA).
Ang 19 anyos nga kanhi pambatong pointguard Ohio State tatawng wala mitago sa iyang pagtuo nga naglaom og dako ang Lakers kaniya.
Sa iyang pagdawat sa gold uniform gikan kang general manager Mitch Kupchak kagahapon, gihangop ni Russell ang usa ka dakong hagit nga himuon pagbalik nga championship contender ang Lakers.
“I consider myself the top basketball player in the draft,” tubag ni Russell dihang gipangutana kon ang iyang abilidad makaparang ba sa ubang top draftees. “If that’s me being the most athletic guy or non-athletic, I’m going to get the job done.”
Sa tabang sa iyang kaubang draftees ug ubang batan-ong mga magduduwa sa Lakers hasta ang beteranong si Kobe Bryant, nakitaan og poruhan nga mahitabo ang panahom ni Russell.
Tulo ka mga adlaw human siya nahimong highest draftee sa Lakers sulod sa 33 ka mga tuig, si Russell pormal nga gipaila sa training complex sa team kauban ang ubang draftees sa Lakers nga sila si Larry Nance Jr. ug Anthony Brown.
Ang tulo ka rookies pulos nanghinaot nga makatabang sila og dako sa pagbangon sa Lakers.
Sila si Russell ug Nance nakigsulti na ni Bryant, ang five-time NBA champion nga lider sa Lakers kinsa mobalik na’g duwa sa sunod nga season.
Si Russell nakapanamin nang daan sa kinaiya ni Bryant, kinsa naila sa iyang kalig-on ug determinasyyon.
“I’ve always been a guy that was overlooked, so I respect my work ethic,” batbat ni Russell. “(The Lakers) are not used to getting a top-five pick, so the expectations are high. I’m happy. My mentality is, learn from the best and just keep working and grinding.”
Giangkon ni Russell nga nakuratan siya nga gipili siya sa Lakers isip no.2 overall pick apan andam siyang modawat sa usa ka dakong tahas nga naghuwat kaniya.
Gawas sa ilang tulo ka rookies ug ni Byrant, ang Lakers mosandig sab og maayo nila ni Julius Randle ug sa nagkakuyaw nga si Fil-Am Jordan Clarkson. (AP)