NAPUTOL ang unang termino sa pagka kongresista ni Benhur Salimbangon sa 4th district sa lalawigan sa Sugbo sa dihang gideklarar sa Supreme Court nga ang kaatbang niini nga si Celestino “Tining” Martinez III mao ang tinud-anay nga mananaog niadtong May 2007 elections.

Final ug executory ang desisyon - buot ipasabot nga bisan og upat na lang ka buwan sa di pa ang lain na usab nga piniliay mahimong makalingkod dayon si “Tining” sa maong puwesto aron paghulip kang Salimbangon.

For updates from around the country, follow Sun.Star on Twitter

Si Atty. Rene Ray Buac sa Commission on Election (Comelec) sa dihang gi-interview ni Ike Durano sa dyRF, sa iyang kaugalingong interpretasyon, niingon nga maka-file gihapon si Salimbangon og motion for reconsideration, apan tungod kay final ang executory man ang maong desisyon, kinahanglan tumanon una ni Salimbangon ang hukom sa Supreme Court nga si Martinez na ang molingkod sa iyang puwesto.

Ang pangutana kon ang pagserbisyo ni Salimbangon sulod sa duha ka tuig kapin malakip ba sa pag-ihap sa tulo ka termino nga limit sa usa ka kongresista?

Si “Tining” nga maoy gideklarar sa SC nga tinud-anay nga mananaog ug nakaserbisyo lang usab og upat ka buwan, makonsiderar ba usab nga nakahuman na og usa ka termino?

Alang ni Atty. Buac ang duha pulos wa makakompleto sa ilang unang termino ug di maapil sa ihap sa three-term limit. Sa ato pa, kon kinsa ang modaog sa ilang rematch karong umaabot piliay siya paga-ilhon nga first termer.

Way kalahi-an sa sitwasyon ni kanhi Pres. Joseph Estrada. Wa kahuman sa termino.