NAKABSAN gyod sa iyang kinabuhi ang 25 anyos nga mabdos human nabanggaan og trailer truck niadtong nilabayng adlaw sa Puerto ning siyudad sa Cagayan de Oro.
Giila ang biktima nga mao si Phoebe Rosales, 25, minyo, tulo ka bulan nga mabdos ug residente sa Barangay Tablon ning siyudad.
Sa pakighinabi sa Sun.Star Superbalita ngadto kang Police Chief Inspector Michael John Deloso hepe sa Police Station 6 (PS6) sa Puerto niingon nga nakagawas sa prisuhan ang driver sa trailer truck nga mao si Rene Jualbang human nahitabo ang amicable settlement.
Nagkasabot ang mga paryente sa biktima nga atubangon lamang sa driver ang tanang galastuhon sa pagpalubong ingon man mga balayrunon sa biktima sa Puerto Community Hospital diin una kining gidala.
Nasayran nga nga mitabok sa kalsada si Rosales dihang maayong pagkasapon niini sa truck. Nabunal ang ulo dihang nabanggaan nga maoy gituohang hinungdan sa iyang hinanaling kamatayon.