DUHA ka gikatahapang mga tulisan nadakpan ug nakuhaan og pusil ug mga balas a Brgy. Barangay Pajac, Lapu-Lapu City niadtong Lunes sa gabii.

Usa sa mga suspek silingan sa biktima.

Mga alas 10:40 sa gabii, si Glenda Dela Cruz, 40, minyo ug marketing agent gikan sa Sitio Kolo, Barangay Pajac naglakaw padung sa iyang balay dihang kalit nga ningtunga ang duha ka mga suspek ug gitiunan siyag kutsilyo.

Ang mga suspek ningkuha sa iyang pitaka nga dunay identification (ID) cards, Cherry mobile phone, cash nga P3,800 ug mga produkto sa DXN nga balor og P10,000.

Positibong giila ni de ls Cruz ang ma suspek.

Mga suspek mao sila si Arnel Fuentes, 33, construction worker, taga Sitio Casia, Barangay Bankal ug Jerome Dela Serna, 32, ulitawo, laborer, taga Sitio Kolo, Barangay Pajac.

Si Police Chief Inspector Conrado Manatad, hepe sa Police Station 2, nangu sa search operation human si Dela Cruz nitaho sa hitabo.

Sa interbyu, si Dela Serna  niingon nga naa siya sa iyang balay dihang nakakita siya sa police patrol car nga nihunong atbang sa ilang balay.

Matod niya nga iyang nakit-an si Fuentes nga nagbarog sa karsada, gidakop sa mga pulis samtang siya nagtan-aw.

Nakit-an usab siya sa mga pulis nga nagbarog sa ilang gate ug giapil sa pagdakop.

Nakuha sa kapulisan gikan kang Fuente ang .38 caliber revolver nga dunay upat ka bala ug batangas. Sun.Star Cebu