DEAD-on-arrival na nga naabot tambalanan ang usa ka lalaki human giingong nalumos sa suba niadtong Lunes sa hapon sa Tagoloan River, lungsod sa Tagoloan, Misamis Oriental.
Giila ang biktima nga si Marvin Efi kinsa residente sa susamang dapit.
Sa record sa kapolisan sa Tagoloan Police Station, nasuta nga ang biktima kuyog niadtong tungora sa laing duha ka mga higala nga mitabok sa suba.
Apan tungod kusog ang bul-og sa tubig og dili kahibalo mulangoy, nalunod si Efi ug nagkapa-kapa sa tubig hangtod gianod kini.
Tungod niini mibalik iyang mga kauban ug gisunod ang biktima apan pila ka minuto gikan sa pagkaanod, ila kining nakita nga luya na kaayo. (SVB)