USA ka 16 anyos nga batang lalaki ang nabangalan na lamang nga wa na niginhawa sud sa usa ka payag didto Chapter 6, Barangay Aplaya, dakbayan sa Digos.

Nakurat na lamang ang mga lumolupyo sa lugar human nila nadiskubrihan nga patay na ang biktimang si Norman Jusay, lumulopyo sa Chapter 2 sa Barangay Aplaya, mga alas 3 sa hapon niadtong HUwebes.

Si SPO1 Dagondon, naghupot sa kaso, naghulagway nga ang biktima patay na sa dihang nakit-an sud sa payag nga iya ni Nanding Alquizar didto sa lugar.

Mga nagpakabanang katawhan sa dapit nisuway paghatod sa biktima ngadto sa Davao del Sur Provincial Hospital, apan pakyas lamang gihapon kay nibalibad na ang mga doktor sanglit wa na nagpitik bisan ang pulso sa paghidangat sa ospital.

Matod ni Dagondon nga ila na lang gipahiluna ang patayng lawas sa biktima ngadto sa Angel Funeral Homes sa siyudad samtang gihuwat ang resulta sa autopsiya.

Naglibog pa ang mga otoridad kung unsay motibo sa kalit nga kamatayon sa batang menor ug ila pang sutaon kung wa bay 'foul play nga nahitabo. (Dondon Dinoy)