ANG presidente sa Ultimate Fighting Championship (UFC) nga si Dana White mibasol kang Floyd Mayweather Jr. nga maoy hinungdan kon nganong wa madayon ang ilang away ni Manny Pacquiao nga mao unta ang kasamtangang pinakadako nga away sa kasaysayan sa boxing.

“I think [Floyd] blew this fight,” nagkanayon si White sa iyang report sa 5thRound.com.

Click here for stories and updates on the Sinulog 2010 Festival.

“When another fighter starts dictating a drug test, first of all, Pacquiao’s never tested positive for any drug but Floyd’s going to make him go through drug testing? That’s

ridiculous,” matod niya.

Gipasabot ni White mao ang pag-awhag ni Mayweather nga si Pacquiao ipaubos sa Olympic-style drug test nga mora’g nagtumbok sa Filipino boxing icon nga naggamit og performance enhancing drugs. Kini maoy hinungdan kon nganong wa madayon ang away.

Kon kahinumdoman niadtong 2007 nga si White nakigbinayloay usab og pulong batok ni Mayweather sa dihang ang kanhi pound-for-pound king mipabuhagay nga ang mixed martial arts fighters di magsilbi sa boxing.

“I want to see this fight. I’m dying to see this fight.”

Ang Pacquiao-Mayweather fight gikatakda unta karong Marso 13, apan human kini nakanselar, ang kampo ni Pacquiao nakadesider nga ang Ghanian nga si Joshua Clottey na lang ang isakbang ni Pacquiao sa maong petsa ug adto na sa Texas ipahigayon.

Sa laing bahin, gidepensaan ni kanhi world heavyweight champion Michael Moorer si Pacman kalabot sa alegasyon ni Mayweather nga kini tiggamitan og performance enhancing drugs.

“Manny Pacquiao has that work ethic that a lot of boxers don’t have these days and a lot of people are jealous and a lot of people are trying to make something out of it because they don’t know what hard work and dedication is,” matod ni Moorer kinsa nakauban usab ni Freddie Roach sa pagtraining ni Pacquiao niadtong naghinangat ang away niini batok ni Ricky Hatton.

Midugang siya pag-ingon nga dako ang kahigayonan nga mabuak gyud ang record ni Mayweather nga way pildi sulod sa 40 ka away.

“I haven’t been in camp with Floyd Mayweather, but I feel that Manny Pacquiao would give Floyd Mayweather that one loss,” dugang niya.