WAY epekto ang pa-dayon nga pag-uwan ka-gahapong adlawa, ma-lampuson nga napahiga-yon ang fluvial procession.
Ang padayong pagkis-dom sa panahon inubanan sa di talagsaong hangin, wa mapahadlok sa mga devotee ug padayon nga niuban sa prosesyon tungod sa ilang pagsalig sa Señor Santo Niño.
Gibana-bana nga niabot og liboan ka mga tawo ang ning-uban sa prosesyon nga nisakay sa gatusan ka mga sakyanan sa kadagatan nga ningsal-mot sa fluvial procession.
Subay sa natala nga lista sa Philippine Coast Guard, kapin sa 100 ang narehistro nga mouban sa fluvial procession ug wa pay labot sa wa marehistro.
Si Coast Guard Deputy District Commander Ane-lito Gabisan niingon nga ilang gihugtan sa pag-bantay ang mga sakyanan sa kadagatan nga mouban sa fluvial procession nga di mahinobra ang mga pasahero.
Ang matag sakyanan sa kadagatan gipasakyan og mga Coast Guard Auxiliary ug gipa-monitor sa gidaghanon sa mga tawo nga mosakay sa matag sakyanan.
Subay usab sa pag-monitor sa React Commu-nications nga adunay mga representante sa matag sakyanan inubanan sa ilang komonikasyon, way nasinati nga mga suliran o kakulian gikan sa pagsugod hangtod nga natapos ang fluvial procession.
Namatikdan lang sa mga tigbalita nga dunay pipila ka mga pumpboat nga ningsalmot nga wa marehistro base sa mga timailhan nga wa kiniy bandera ug registered number nga nakabutang.
Sa pagpaniid usab sa Sun.Star Superbalita nagbutyag nga wa masu-nod ang formation order sa matag division sukad nga gisugdan ang fluvial procession.
Ang sakyanan sa ka-dagatan gibahin kini og makatulo.
Ang division one nga gilangkuban sa mga tug-boat; division 2 gilangko-ban sa mga bapor ug ang division 3 gilangkoban sa mga pumpboat.
Ang mga sakyanan sa kadagatan naglumba pag-paduol sa galleon nga gi-sakyan sa imahen ni Señor Santo Niño.
Tungod niini, nahita-bo ang panagsingki sa isig ka tugboat ug pumpboat nga niuban sa fluvial pro-cession.
Hinuon wa kini sa mosangko sa trahedya ug wa say gikatahong naangol.
Sa Dawn Procession, bagang duot sa mga tawo taliwala sa taligsik ang nihatod sa imahen ni Senior Sto. Nino gikan sa National Shrine of St. Joseph ngadto na sa Ouano wharf nga gisugdan sa usa ka santos nga misa sa mga alas 4:00 sa kadlawon.
Si Monsignor Athur Navales, assistant parish priest, sa iyang homily, nakadayeg sa pagtuo sa mga deboto ni Sr. Sto. Nino nga bisan sa mga pagsu-way sama sa dili maayong panahon, wa kini maka-paluya kanila.
Matod ni Navales nga di kompleto ang pagsa-ulog sa piyesta sa Sinulog sa higayon nga way Tras-lacion, sanglit nahimo na kining kabahin o kultura sa mga Sugboanon.
“Ang pagduaw ni Sto. Nino wa lang gipunting ngadto sa iyang ama-ama (St. Joseph, apan ang Iyang pagduaw dinhi kanato,” tipik sa homily ni Navales.