HUGTANONG gipanghimakak sa inahan ang mga nanggawas nga taho nga didto siya sa Internet café biniyaan ang iyang mga anak atol sa pag-ulbo sa sunog niadtong Huwebes sa gabii.

Si Allan Tangcawan, correspondent sa local nga radio station sa Sugbo ug higala ni Eileen Ponzal, niduaw ning mantalaan aron sa pagpahibaw nga tumo-tumo lang ang maong taho.

Click here for stories and updates on the Sinulog 2010 Festival.

Pulong ni Tangcawan nga gikan pa sa gitrabahoan nga laundry shop sa Mango Ave. dakbayan sa Sugbo si Eileen sa dihang iyang na lang nga naabtan nga naugdaw na ang ilang gipuy-an sa St. Martin Village, barangay Banilad, dakbayan sa Sugbo.

Nisamot ang iyang gibate nga kapiit sa dihang ang tulo niya ka mga gagmay nga mga anak nga nangatulog ang nangapaig.

Sumala ni Tangcawan nga alas 9:00 sa gabii ang tinggawas ni Eileen sa iyang gitrabahoan hinungdan nga wa siya niadtong higayona sa ilang balay atol sa hitabo.

Nagkanayon si Tangcawan nga ang banay nga Ponzal wa maggamit og lamparilya o kandila sukwahi sa nitumaw nga imbestigasyon sa kabomberohan sanglit naggamit lang sila og flashlight. (FVQ)