SA unang higayon wa makadawat si Georgia Osmeña sa iyang tiket sa grandstand alang sa Sinu-log grand parade karong adlawa.
Si Osmeña nga moda-gan pagkamayor sa siyu-dad sa Sugbo nahibung kon unsay rason nga unta matod niya kanunay man siyang hatagan niini sa nangaging mga tuig.
Tungod niini wa ma-likayi ang pagduda nga posibling politika ang hinungdan gumikan kay ang chairman sa Sinulog Foundation Inc. mao man ang iyang kaatbang pag-kamayor nga si Bise Mayor Michael Rama.
“I have been given tickets, at least five, for the past years that Sinulog has been existence. And I have atended most of them,” matod ni Georgia sa iyang text message sa Sun.Star Superbalita.
Apan si Rama nga nahinabi sa Sun.Star Superbalita nipatin-aw nga di magpasabot nga kon nahatagan sa nanga-ging tuig automatic na usab nga makadawat karong tuiga.
Kini gumikan kay magdepende man kini kanilang mga organizer kon kinsa ang ilang hata-gan sanglit ang tiket matod ni Rama wa may “copy right.”
Gawas pa usab, ma-tod ni Rama, nahurot na ang VIP tiket.
Sa pagduda nga pa-molitika kini, matod ni Rama nga bahala na si Osmeña kon kini maoy iyang pagduda.
“Pasanginli lang og bisan unsa,” nagkanayon si Rama.
“Abuse of power,” matod ni Georgia dihang gipangutana kon unsay iyang ikasulti ning nahitabo kaniya sa labing unang higayon.
Sila si Rama ug Geor-gia mag-atbang sa 2010 elections.
Wa hinuon did-i si Osmeña nga mopatim-aw sa grandstand sama sa ubang mga politiko.
Apan giklaro ni Rama nga wa gyuy mga politi-kong tugtang makaestorya ibabaw sa tablado.
Bugtong tugtang ma-kahimo og speech mao sila si Mayor Tomas Os-meña ug Rama.
Samtang sukwahi sa naandan, kausa nalang usab pasayawon si Gov. Gwen Garcia ug kini atol sa pagsayaw karon sa contingent sa lungsod sa Tabuelan.
Sa nangaging mga tuig, ang gobernador, mobalik sa pagsayaw sa hinapos nga bahin sa di pa ang grand finale.
Gipasabot hinuon ni Ricky Ballesteros, exe-cutive director sa SFI, nga ang kataas sa ilang finale nga molanat og usa ka oras maoy rason nganong gilimitahan na nila ang paggawas ni Garcia. (CPL)