WISH lang unta ni Alex Gonzaga sa iyang 22nd birthday nga dawaton na sa iyang pamilya ang iyang suitor sa kasamtangan. Apan gitutyo sa iyang maguwang nga si Toni Gonzaga ang iyang pangandoy.
Sa birthday celebration ni Alex sa "Juicy" last Friday, via phone patch, gisulti ni Toni ang iyang opinyon bahin sa lovelife sa iyang manghud.
Sey ni Toni, angay nga mag-focus una si Alex sa iyang career ug di una niini angay huna-hunaon ang gugma. Mas nindot daw nga trabaho una ang unahon ni Alex tungod kay may future siya dinhi.
Anyway, gisulti ni Alex nga kaila sa iyang maguwang ang iyang suitor ug gani, kung mogawas daw silang magsuon, bitbit ni Toni ang director boyfriend nga si Paul Soriano samtang siya, ang non-showbiz nga suitor.