PATAY ang usa ka drayber sa traysikil human gipusil didto sa probinsiya sa Sultan Kudarat. Ang kapulisan nag-ila sa biktima nga mao si Wilfredo Samsona, 42 anyos, minyo ug molupyo sa barangay Poblacion, Lebak.
Sigun sa taho gikan sa Sultan Kudarat Police Provincial Office nasayran nga banda alas 7:00 sa gabii, Enero 16, sakay ang biktima sa iyang traysikil gikan namasahero, apan mihapit kini sa usa ka tindahan aron mopalit og sigarilyo sa dihang gisugat sa duha ka wala mailhing mga hubog ug gipusil gamit ang kalibre .45 nga pistola.
Patay diha dayon si Samsona kinsa naigo sa iyang ulo ug dughan samtang ang mga mamumuno dali nga misibat sakay sa motorsiklo paingon sa wala matino nga direksyon.
Matud ni Rosario nga una gipatay ang iyang bana dunay naka-away kining grupo gumikan lamang sa bikil sa mga habal-habal nga motorsiklo nga misulod sa ilang rota.
Apan dunay mga sibilyan sa maong dapit naka-ila sa mga suspek nga maoy gi-imbestigahan karon sa kapulisan aron masuta ang tinuod nga motibo sa pagpatay sa biktima ug madakpan ang mga suspetsado. (Edgardo Fuerzas)