USA ka tinun-an ang nasikop atol sa buy-bust operation niadtong nilabayng adlaw sa Reyes Subdivision, ning siyudad sa Cagayan de Oro.
Gisikop si Carlo Rey Pamisa, 22, ulitawo, tinun-an sa college, nagpuyo sa susamang dapit human nasapon nga namaligya og gituohang shabu ngadto sa nagpatuong kostumer nga usa ka agent sa Philippine Drug Enforcement Agency (PDEA).
Nakuha gikan sa kamot sa biktima ang usa ka transparent cellophane nga adunay sulod white crystalline nga gituohang shabu.
Nasayran nga taod-taod na nga namatikdan ang gihimo niini hinungdan nga gisundan ug nagmalampuson gyod ang sakop sa PDEA sa pagsikop niini.
Sa kasamtangan gibalhog sa prisuhan sa PDEA ang suspetsado samtang kini dalahon pa sa Philippine National Police Crime Laboratory uban sa illegal nga druga nga nakumpiska gikan niini alang sa laboratory examination.
Pagsupak sa balaod RA 9165 ang gihimo sa suspek ug giandam na ang maong kaso batok niini. (SVB)