GIBANABANA nga unom ngadto walo ka milyon ka mga tawo ang nanggawas atol sa piyesta ni Sr. Sto. Niño sa dakbayan sa Sugbo kagahapon..

Samtang, nikabat sa 3.5 ngadto sa kuwatro milyunes ang ningtan-aw sa Sinulog carousel libot sa nag-unang kadalanan sa siyudad.

Click here for stories and updates on the Sinulog 2010 Festival.

Mao kini ang pagbanabana ni Sr. Supt. Patrocio Comendador, hepe sa Cebu City Police Office (CCPO).

Sa pasiunang pagsusi sa kapulisan, way dagkong panghitabo atol sa piyesta ug malinawon sa kinatibuk-an.

Si Sr. Supt. Comendador nagkanayon nga maayo usab ang pagpahigayon crowd control sa parada gawas sa pipila ka bahin nga nagduot ang daghang mga tawo sa hagip-ot nga dan labina dihang kalit niuwan.

Tungod sa panaghuot sa bagang duot sa mga tawo, ang komon nga kaso nga natala sa kapulisan mao ang pagpanguot.

Namatikdan usab ang daghang lokal ug langyaw nga turista nga nalingaw sa Sinulog.

Ang ika-30 nga Sinulog mardi gras han-ay usab. Nasugdan kini sa alas nuybe sa buntag ug nitapos pasado alas otso sa gabii pinaagi sa mabulukong pabuto sa Cebu City Sports Center.