KINATIBUK-AN na nga mipakanaug og desisyon ang boxing legend ug kanhi Olympic champion nga si Oscar De La Hoya.

Sa iyang pahayag, si De La Hoya misulti nga magpabilin siyang nakaretiro sa pagboksing.

"As a professional athlete and someone who has spent almost his entire life in boxing, not a day goes by when I don't think about coming back. But I am retired, and after speaking to my family and following a great deal of introspection, I have decided to stay retired."

Bag-ohay lamang gisulti sa Boxing Hall of Famer nga may "50-50" nga posibilidad sa subli niyang pagsaka ibabaw sa ring.

May hisgutanan sab nga rematch kang undefeated American boxer Floyd Mayweather Jr ug knockout artist nga si Gennady Golovkin.

Si De La Hoya may 39 ka daug ug unom ka pildi sa iyang career sa pro boxing una nagretiro niadtong 2009 human napildi sa kanhi eight division world champion Manny "Pacman" Pacquiao niadtong December 2008.

Napakyas sab siya kang Mayweather niadtong 2007 via split decision.

“To the many thousands of fans who over the last couple of weeks encouraged me to come out of retirement and fight again, I thank you. You can rest assured that I will spend the rest of my days around this wonderful sport, even though those days won’t be spent inside the ropes,” panapos sa Golden Boy.